Wer vill hett, brucht bekanntlich meh das hett me scho bi ville riche Lüt gseh!
Dr James Rogers hett im 2012 es Start-up gründet dr Bill Gates git Gäld und hett verkündet är wöll die Firma Apeel unterschtütze
Schliesslich würd das dr Umwält sehr nütze
Coating heisst das neue Zauberwort
Das chönn me isetze, überall und vor Ort
Me schprützt e huuchdünni, pflanzlichi Schicht
Wo d\'Haltbarkeit vo Frücht und Gmües verschpricht
Me chönn jetz d\'Plastik-Verpackig vergässe
Und ohni z\'wäsche alles bedänkelos ässe!
Dr Öpfel us Südafrika, dr Schpargel us Peru
Doch was wöttsch chaufe, beschtimmsch jo du
Chönnsch alles «früsch» bezieh us Länder rund um d\'Ärde
Muesch nümm zum Buur, das isch nid behandlet und duet verdärbe!
En Guete

ERIKA HUGENTOBLER-LÜTZELSCHWAB, MAGDEN