Dann sind die Pointen nicht mehr weit

Reges Treiben herrschte am Samstagabend in Möhlin – an sechs verschiedenen Schauplätzen ging die dritte Schnitzel-Nacht vonstatten. So auch im Zelt der Meler Galgevögel: Dort führte Rémy Metzger Regie. Als Entertainer und als Unterstützer der Möhliner Frauenquote in der Politik unterhielt er das Publikum aufs Feinste, genauso, wie das die vielen Schnitzelbankgruppen taten, immer wieder umrahmt von musikalischen Einlagen. Bei den Schnitzelbänken sorgten die Spässchen über den Gemeinderat von Möhlin immer wieder für dankbare Lacher – die Dorfoberen waren übrigens im Kostüm präsent und liessen alles mit viel Humor über sich ergehen. (luk)

Bönigeischt
Bim Färnseh düend si hüffig bevor si afönd sände 
Zum Konsumänteschutz e Warnhiwies iblände 
Chrieg und Sex und Gwalt mag ebe it jede verträge
Doch es git no vill Schlimmers – das chan ich euch säge
Bim Schwizzer Färnseh wird me so richtig maltretiert
Wenn it gwarnt wirdsch isch dini Gsundheit komplett ruiniert
Sit neuschtem muess me drum bim SRF e neui Warnig bringe
Bitte schützen Sie Ihre Ohren – dr Marcel Henrion vo Mehli fangt a singe

Fridolin
S’Zeiniger Dorffäscht, e gläbti Gmeinschaft, e Härzbluet-Alass puur
I bi ganz nidisch – wöt au dört wohne, will euse Gmeiroot isch stuur
I ha scho welle zügle, doch ich bliib glaub besser dehei
Zeiniger händ e Egge ab, die gönd mit Fasnachtslarve a Gmei

Rätsch-Fliege
Nach dem Nei gege d Meler Tiefgarage duet dr Amme chli flueche Dr Grund für die Schlappe wei mir jetzt ganz genau untersueche
Dr Abstimmigs-Analist Claude Longchamp brichtet denn, de Globi De Fall isch klar, s isch nur wäg de Läserbrief vom Mahrer Robi

Moraltante
Der TV Möhli jubiliert – s’wird e super Party gmacht
Legändespiel im Steinli – im Zält wird grockt dasses chracht
Vor em Fäschtzält schwitze zwoi – früehner beidi Handball-As
Hützutags kriege si it emol – e Zapfhahn in e Fass