FRICKTAL IN BILDERN
15.03.2019 Fricktal«DIÄ VOLL G’SCHTOPFTÄ» MIT VOLLDAMPF
«Uf d Fasnacht 2019 händ mir eus bsunders gfreut, händ mir doch vo wiit här Bsuech erwartet! Uf dr chlinä Inslä Lummerland händ sich nämlich dr Jim Knopf mit sinerä Molly und dr Lukas dr Lokomotivfüehrer mit sinerä Emmä uf de abentürlichi Wäg nach Meli-Ryburg gmacht. Am Fasnachtssunntig sind sie churz vor de Zwoi vor em Ryburger Münschter igfahre und händ grad mit Volldampf dr Umzug unter ihri Räder gnoh. Und will’s soooo schön gsy isch am Dsischtig grad nomol. Es bsundrigs und einzigartigs Erläbnis!
Mir danke jedem Einzelne, wo in irgend enere Wies zu dere tolle Fasnacht bitreit hett: Em Zueschauer am Strosserand, de beidne fäderfüehrende Verein, de Behörde, em Petrus… bis a dr Fasnacht 2020! Und übrigens: Jä, me darf au i dr hütigä Zyt es Sujet wähle, i dem Mänsche mit anderer Hutfarb drin vorchömme. Es chunnt immer ufs «WIÄ» druf a und uf was das Sujet basiert.
Bi eus uf emene phantasievolle und prämierte Chinderbuech (ISBN 978-3-522- 17650-7) vom Michael Ende usem Johr 1960.» (mgt)